Rotluanga’n Super Human Award a dawng

Rotluanga’n Super Human Award a dawng
Zephyr drama club frontman a nihna atanga kan hriat, Mizo fiamthu khawvel rawn thlak danglamtu H Rotluanga aka Mapuia chuan National Integrated Forum of Artists And Activists (NIFAA) atangin Super Human Award a dawng. He award hi fiamthu khawvela a thawh hlawk avanga dawng niin, award hi NIFAA founder President Pritpal Singh Pannu-a’n a hlan a ni.
NIFAA chuan he award hi Mapuia hnena an hlanna chhan sawiin, fiamthu te chu dinhmun sang zawka a chawisan avang leh eizawnna kawng hawngtu a nih avanga award hi dawng tlak ni a an hriat thu an sawi a, tunhmaa fiamthu te dinhmun chhe tak, mi nuihzat leh bâwl kual mai mai dinhmun atanga comedian platform changtlun tak siama, fiamthu thiamte tan pawh sum hai luhna kawng tha tak hawngtu a nih avanga Super Human Award hi hlan an nih thu an sawi a ni.