Rozgar Mela hmang ve dawn

Sawrkar laipui ruahmanin vawiin, August 28 hian state hrang hrang 25-a hmun 44 ah Rozgar Mela /Job Fair huaihawt a ni dawn a. Mizoramah pawh Assam Rifles buatsaihin hman a ni dawn a, Minister of State for Minority Affairs John Barla chuan a hmanpui ang.
He hunah hian India sawrkar hnuaia department hrang hranga hna hmu thar mi 70000 vel hnenah appointment letter pek chhuah a ni dawn a. Prime minister Narendra Modi chuan ram pum huap hun hman hi a kaihruai anga, live streaming kaltlangin thalaite hnena thuchah a sawi hnu ah hna hmu thar a hmuna awmte hnenah appointment letter a sem dawn a ni.
Headquarters Inspector General Assam Rifles (East) hnuaia 2 Assam Rifles Battalion chuan Aizawlah a lo hmang ve dawn a. Union MoS hian Mizoram atanga hna hmu tharte kutah appointment letter a hlan ang.
Rozgar Mela hi sawrkar laipuiin hna neilote tana hna a siamsakna kawnga hmalakna pakhat a ni.