Rashtriya Swayamsevak Sangh leader Dattatreya Hosabale chuan an pawl chuan politics ah awn lam nei hauh lovin ram tana tha ber tura thawk an ni tiin a sawi.
-- Advertisement --
“Right wing emaw left wing emaw kan ni lo. Nationalist kan ni. Sangh hi ram tan tha tur bakin a thawk dawn lo” tiin Hosabale chuan a sawi.
Heng thu te hi ‘Rashtriya Swayamsevak Sangh: Yesterday, Today and Tomorrow’ tih Ekatm Manavdarshan Anusandhan Evam Vikas Pratishthan tena Birla Auditorium a huaihawta a sawi a ni.
‘DNA in ang”India rama cheng zawng zawng te chu Hindus an ni vek a, a chhan ch an thlahtute Hindus an nih vang a ni a ti a. “Pathian an biak dan kalphung a in ang lo a ni mai thei a, mahse, DNA in ang an nei vek” tiin a sawi bawk a. India chu tanrual chauhin Vishwa Guru a ni thei a ti bawk.
Sangah chuan India rama sakhua leh sect hrang hrang te chu ang khat vekah a ngai a ti bawk a. “Mitin ten an sakhaw ngaihdan chhawm chungzelin pawl hna an thawk thei a. Sangh hi khauh bur a ni lo va, a flexible a ni” tiin a sawi bawk.
Constituion chungchang sawiin a kalpui dan a tha lo a nih chuan Constitution tha ringawtin engmah a ti thei lo a ti bawk.
Hosabale chuan RSS te chuan India ramah democracy din a nih teih nan hna pawimawh tak an nei a tia an thawhdan te chu foreign journalist te pawhin an ziak nghe nghe a ti bawk.