May thlaah Mizoramah ruah a sur nasa a, June thlaah pawh a sur leh. Khawchin zir mite’n ruah hi a sur zel an ring a, thlipui inmun erawh a awm rih lo an ti.
State Meteorological Centre-in India Meteorological Department (IMD), Guwahati atanga khawchin thlirlawkna an dawn danin, Thawhlehni khan Mizoram hmun tin deuh thawah ruah a sur ang tih a ni a, an rin lawk angin ruah hi a sur. Tun karah pawh ruah hi sur zel turah an ngai.
IMD-in an thlir dan chuan, Nilaini hian Mamit district-ah hmun tih deuh thawah ruah a sur ang a, hetah hian ruah surna tur hmun an tih hi 76%-100% a ni. Kolasib, Aizawl, Serchhip leh Lunglei district-ah te hmun thenkhat, 51% atanga 75% velah a sur thei an ti a, Champhai, Lawngtlai, Siaha, Saitual, Khawzawl leh Hnahthial district-ahte hmun tam vak lovah (26%-50%) a sur thei an ti.
Ningani-ah pawh MAmit, Kolasib, Aizawl, Serchhip leh Lunglei district-ah hmun hrang hrang, hmun 51%-75% velah ruah a sur thei an ti a, Champhai, Lawngtlai, Siaha, Saitual leh Hnahthial district tea hmun tam vak loav (26%-50%) a sur thei an ti bawk.
Zirtawpni-ah pawh Mamit, Kolasib, Aizawl, Champhai leh Saitual district teah hmun hrang hrangah (51%-75%) a sur thei an ti a, Serchhip, Lunglei, Lawngtlai, Siaha, Khawzawl leh Hnahthial district teah hmun tlem azawngah (26%-50%) a sur thei an ti.
Tuna IMD thlirnaah chuan tun kar tluanin ruah sur theihna turah an ngai a, Chawlhni lo awm tur leh a tuk Thawhtanni te pawh ruah sur theihna turah an la ngai. Thlipui erawh an sawi rih lo.
Khawchin zirnaah June atanga August thleng hian fur lai an ti a, heng thla thum hi Mizoramah ruah tam hun pawh a ni. Chuvangin ruah sur hun chu a ni ve reng reng.
June-ah pawh ruah a sur a, ni 1 leh ni 2-ah erawh a sur lo. State Meteorological Centre-in an chhinchhiah danin, June ni 3-ah khan ruah hi mm 1.4 a tla a, ni 4-ah mm 5.2 a tla. Tam tham chu a ni lo.
Ruah sur la ring, thli tleh ring rih lo
Get real time updates directly on you device, subscribe now.
Prev Post
Next Post