Ruahsur nasa vangin Delhi khawpui buai

Ruahsur nasa takin Pathianni zing atang khan Delhi khawpui nuaiin ruahsur nasa hian ni hnih thum vel a awh turah India Meteorological Department (IMD) te chuan ngaiin an sawi lawk a.
Hetihlai hain Chief Minister Arvind Kejriwal chuan Sunday chawlh hnawlin sorkar official te chu hnathawk turin a hriattir thung.
Darkar 24 chhungin Delhi ah hian ruahtui 153mm tla in kum 1982 hnua nikhat thil thua ruahtui a dawn tam ber tum niin IMD te chuan an sawi bawk.
Western disturbvance leh monsoonal winds intawksir chuan northwest India ah hian ruahsur nasa siamin hei vang hian Delhi pawhin ruahsur nasa tak a dawn phah a ni.
Delhi a weather station lian ber Safdarjung Observatory ah chuan darkar 24 chhungin ruahtui tla 153mm record niin July 25, 1982 a 169.9mm record a nih hnua a san leh ber tum tiin IMD official te chuan an sawi a.
July 10, 2003 khan Delhi-ah hian ruahtui 133.4mm a lo tla tawh bawk a, record china a la sang ber chu July 21, 1958 kha niin khami tum khan 266.2mm lai a tla thung a ni.
Met office chuan ruahsur nasa in Delhi a chengte tana harsatna a siam theih hial dawn avangin yellow alert an tichhuak bawk.
Ridge, Lodhi Road leh Delhi Unviersity ah te ruahtui tla hi 134.5mm, 123.4mm leh 118 mm te record a ni bawk.
Met office te chuan ruahtui tla 15mm chin chu ‘light’ tih niin 15mm atanga 64.5mm chin chu ‘moderate’ leh 64.5mm atanga 115.5mm chu ‘heavy’ tih a ni a, 115.6mm atanga 204.4mm chu ‘very heavy’ tih a ni thung a. 204.4mm chin chunglam tawh phawt chu ‘extremely heavy’ tih a ni tawh thung.
Ruahsur nasa hian park, underpassess, market leh hospital premises te chu chimin, hei vang hian kawngpuiah pawh harsatna namenlo a siam a ni. Thli na tak a ken tel bawk avang leh ruahsur nasa bawk si hian power leh internet connectivity pawh hmun tam takah a tibuai nasa hle bawk.
Ruahsur nasa avang hian Delhi Chief Minister Arvind Kejriwal chuan sorkar hnathawk tin te tana Sunday leave chu sutin field ah chhuaka chet la turin a ti bawk a.
Dekhi Cabinet Minister leh Mayor Shelly Oberoi te chuan a hmunah ngei harsatna hmunte an tlawh ang a ti bawk.
“Nimin khan Delhi chuan ruahtui 126mm a dawng a. Monsoon khata Delhi in ruahtui a hmuh tur zat atanga 15% lawih chu darkar 12 chhungin a hmu a ni. Hei vang hian tui tam lutuk avangin mipui ten harsatna an tawk” tiin Kejriwal chuan a sawi.
“Delhi minister tinte leh mayor te chuan harsatna hmunte a hmunah kalchilhin an tlawh ang a. Sunday chawlh tihtawp niin officer te pawh harsatna hmuna awm tura hrilh an ni” tiin a sawi bawk.
Official te chuan ruahsur nasa avang hian Delhi a Zakhira area ah chenna In chim avangin mi pahnihin hliam an tuar tiin Delhi Fire Service (DFS) te chuan an sawi bawk.