Ruahsur nasa vangin England in harsatna tawk nasa

England ram hmun tam tak chu ruahsur nasain a tibuai chhunzawm zel a, tuilian vangin eng leh inbiakpawhna a khaihlak bakah, inkalpawhna thlenga tuilian tihbuai an awm bawk.
Kartawp atanga ruahsur nasa hi tuar tawh an nih avangin hmun tam takah zirnain an khar a, pathianni leh thawhtanni thlenga inkalpawhna kawnga harsatna thleng hi a la reh thei meuh lo.
Nimina an thuchhuaha an tarlan danin, ruahsur nasa hian khuarel chhiatna nasa tak a thlen tawh a, hmun tam takah tuilian vangin an eizawnna a buai a, nunphung khaihlak phah lek lek an awm nual tawh bawk niin an sawi.
Ruahsur hi vawiin lamah pawh an la tuar zel dawn nia sawi a ni a, ruahtui hi kar laihawlah chuan la tam thei tur nia sawi niin, chhiatna nasa zawk thleng thei laka inveng fimkhur turin ram mipuite an ngen bawk.
Tuilian vangin rel kawng tamah rel tlantir ngam a ni lo a, lirthei leh mihring kalna leilawn tam tak zawh ngam lohte pawh a awm tan nia sawi a ni bawk.