Rui chunga scooter khalh vangin Suga’n pawisa chawi

Zu nam chunga scooter a khalh an man hnuah BTS member Suga chuan thupha chawina tum hnih a tichhuak tawh a, a awmdan leh khawsak phung dik lo leh fimkhur tawk loh avanga hrehawm a tih thu te sawiin, ngaihdam a dil mawlh mawlh a nih kha. Kha thil thleng avang khan a driving license suspend sak a lo ni tawh a, pawisa pawh an chawitir ve leh ta.
He K-pop star hi court-in South Korean pawisa won maktaduai 15 (Rs 9,51,950 vel) chawi turin a ti leh ta a ni. Seoul Western District Court judge chuan judgement tichhuakin, Suga, a hming tak Min Yoon-gi, kum 31, hi dan a bawhchhiat avangin pawisa hi a chawitir ta a ni.
Suga hi Yongsan district-a Hannam khuaah August ni 6 khan electric scooter-in a tlu a, chu chu police ten lo hmuin thu an zawtfiah a, zu rim a nama an hriat avangin breathalyzer test an tih tir a, a inham tling ta hlauh a ni.
A tuk lawkah Suga hian he thil thleng avanga thupha chawina a tichhuak nghal a, a tirah chuan zanriah ei paha a lo lem ve deuh sek avanga electric two-wheeler khalh palh loh tih a hre lo niin a sawi a, “Kawngka bulah electric kickboard ka han siamrem vel cu keimahin ka tlu ta mai a, a bul hnaiah police officer an lo awm a, bresth test kan ti ta a ni,” tiin August ni 7-ah thuchhuah a siam nghal a, a fimkhur loh leh chetdan dik lo avanga a tihnat zawng zawng chungah thupha a chawi nghal a ni.