Ruihhlo do kawngah CYMA leh kohhran thalai tan ho tum

Central YMA chuan Aizawla kohhran thalai pawl hrang hrangte ruihhlo do kawnga hmalak dan tur a sawipui.
Kumin March 26 khan Central YMA leh kohhran thalaite hi an lo thukhawm tawh a, hemi tum hian thawhhona tur Coordination Committee an din. Coordination Committee thukhawm hian hmalakna hmasa atan ruahmanna a duang a ni.
Kohhran hrang hrang thalaiten mahni huamchhunga zirna in leh Sunday School-ah ruihhlo that loh zia inzirtirna kalpui nise, an ti a. Hei hi kohhran thalai pawl tin headquarters leh central lam bawhzui tura dah a ni.
Kohhran thalai pawl tinin mahni huamchhunga an member ruihhlo ngai zat chhinchhiah a, kumin August thla chhungin Coordination Committee-a thehluh nise, hemi kawngah hian a tul angin YMA Branch thawhpui nise; ruihhlo ngaiten nunphung pangngai an zawh theihna turin hma lak nise, an ti.
Kohhran thalai inkhawmnaah ruihhlo do a tul zia sawina hun hman thin rel a ni bawk.