A ralmuang lai an buai ve leh Assam-ah Zo hnahthlak an raltlan

Manipur an buai a, Jiribam district lam erawh an buai vanglai pawhin an ralmuang; mahse tun hnaiah an buai ve leh. Zo hnahthlakte pawh Assam lamah an raltlan.
Jiribam district hi Manipur chak lakna kawng pawimawh a ni a, an MLA hovin tlawmngai pawlte leh mipuiin buai ve loh an tum thin. Mahse June ni 7 zan vel atang khan an buai a, in engemaw zat a kang chhe tawh.
He district-ah hian Zo hnahthlak te, Meitei, Naga, Mosolman, Hindu, Bengali, hnam hrang hrang an inchen pawlh a, tun hnaiah mi tu tih hriat lohte’n mi an hruai bo chungchanga inpuhmawhna a awm a, an boruak a chhe ta a ni.
Thu dawn danin, mi tu tih hriat lohte’n Meitei pakhat an hruai bo a, chumi hnuah Zo hnahthlak pakhat an hruai bo ve leh. Ani hi sipaiin an chhanchhuak a, chumi hnuah Zo hnahthlak pakhat an hruai bo a, ani hian nunna a chan. Chutiang thilah chuan Zo hnahthlakte leh Meitei inkar a lum ta a ni.
Manipur atanga thu dawn danin, June ni 7 zan khan Jiribam khaw chhunga Zo hnahthlakte in an hal a, chumi hnuah chuan a lehlam lehlamin in an inhalsak ta a ni.
Hetiang karah hian Jiribam khua leh a chhehvel atangin mi engemaw zat an raltlan a, a thlang lawka Barak Valley, Assam-ah an tlan thla hlawm.
Zo hnahthlak lam chuan raltlan hi mi 300 chuang an ni ang an ti a, Meitei pawh mi engemaw zat an raltlan.
Manipur-a Zo United te’n Barak Valley-a raltlan Zo hnahthlakte hi Pherzawl district-a Parbung-a lak an tum tih thu dawn a ni.
Jiribam district hi tunah hi chuan an boruak a dai deuh a, mahse ri leh hluai thei an ni tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More