Ruihhlo ngai enkawltute hriat tur hrilh

Ruihhlo ngai enkawltute hriat tur hrilh
Mizoram Social Defence & Rehabilitation Board, Social, Welfare & Tribal Affairs leh sawrkar laipuia Ministry of Social Justice & Empowerment tangdun chuan Mizorama ruihhlo ngaite enkawlna hmun (de-addiction centre)hrang hranga thawktute pualin ni hnih awh training a buatsaih.
Training-ah hian ruihhlo ngaite enkawl kawnga a tak taka tha thawhtute sawm an ni a. Govt. Aizawl West College Department of Psychology associate professor Dr Lalremruati’n ruihhlo ngaiten nun thar an neih lehna tura centre-a thawktute pawimawhna leh mawhphurhna, ngawlveina lak ata khaichhuaktu an nih theih dan a zirpui a ni. Ruihhlo leh ngawlveina in a nghawng thalo bakah ruihhlo ngaite hawihhawm taka biangbiak dan tur leh an nun kaihruaitu atana pawimawh – counseling skills zirho a ni bawk.
Mizoram Drug User Forum president Lalduhawma Chawngthu pawhin ruihhlo ngaite harsatna tawh thin leh an nun an sim theihna tura thawktute tana hriat tur pawimawh a sawi a ni.