Rune coach thar Becker

Tennis star hriat hlawh, Wimbledon-a vawi thum champion tawh Boris Becker chu world number six Holger Rune coach thar a ni dawn.
Grand Slam-ah vawi ruk ngawt lo champion tawh Becker hi April 2022 atang khan Jail-ah a tang a, kum hnih leh a chanve chhung zet a ban hnuin tunhnai khan chhuah a ni. Jail a tan nachhan hi £2.5 million tluka hlu asset a zep ruk vang leh loan a rulh that loh vang nia sawi a ni. Jail bang a zui hnuin Tennis-ah a kir leh nghal dawn a, Denmark rawlthar Rune nen thawk dun turin an inrem.
Kum 55 mi Becker hi kum 2013 – 2016 chhung khan Novak Djokovic-a coach a lo ni tawh a. An thawh dun chhung hian Djokovic hi Grand Slam-ah vawi ruk a champion hman. Tennis huangah player anga hriat hlawh tak a nih bakah coach angin hriat a hlawh viau bawk a. Rawlthar beiseiawm ber pawl Holger Rune nen an thawk dun dawn a ni a. A nau thar tur Rune pawhin hma a sawnpui ngei a beiseiawm.