RUSA hnuaia college-a
hnate June-a zawh ngen
Mizo Zirlai Pawl chuan Mizorama RUSA hnuaia college hrang hranga hmasawnna hna thawh mekte chu June 2023 chhunga zo hman vek turin hnathawktute a ngen.
MZP Gen. Hqrs. thuchhuak chuan hemi chungchangah hian sawrkar thuneitute leh building sak hna thawktute a lo sawipui tawh tih a sawi a. An harsatna hrang hrang leh college hrang hrang zirlaite atanga thudawn ngaihtuah a nih hnuin, RUSA Fund hmanga college building sak mek, sak zawh hun tur pel tawhte chu kumin June ral hma ngeia sak zawh vek nise, a ti.
RTI hmanga zawhna sawrkarin a chhan danin, RUSA Fund hmanga hnathawh mek hi March 2023-a zawh hman tura ruahman a ni a. Heng hnate hi Skyridge Construction & Consultancy Services Aizawl leh SR Tochhawng Traders Aizawl ten an thawk tih sawi a ni.
He thil hi MZP Assembly 2022-in a lo rel tawh, “RUSA kaltlanga college hrang hrang sakthat/ thawmthat hi a hun taka zawh a nih theihna’n hma lak ni rawh se” tih bawhzuina kal mek a ni.
RUSA hnuaia college-a hnate June-a zawh ngen
Get real time updates directly on you device, subscribe now.
Prev Post
Next Post