Russia-ah scientists ten tuar nasa hle

Russian President Vladimir Putin chuan an ram chuan hypersonic weapons, ri aia a let ngaa chak an siam mek thu a sawi chamchi a.
Mahse tun hnaiah Russian physcist hypersonic weapons siamna lama inhnamhnawih te chu phatsantu tiin lung in an tantir fo thung a, rigths group te chuan Russia sorkar chu a phili tiin an sawi.
An man tam ber te hi kum upa tak ni tawh te niin pathum chu an thi tawh bawk a. Pakhat chu cancer stage hnuhnung ber vei mek niin damdawi In khuma a mu lai mana hruai chhuah a ni a,a hnu lawkah a thi zui a ni.
A dang pakhat chu Vladislav Galkin niin kum 68 a upa academic turu tak niin April 2023 khan southern Russia-a a chenna Tomsk-ah man a ni a.
Hmaituam sipai ten an chenna in luhchilhin inchhung bungrua tinte lepse-in scientific formulae an zawng a ni tia sawi a ni.
Galkin nupui Tatyana chuan a chess khelhpui thin a tute hnenah an pu chu a zin tia a hrilh thu sawiin Russia security service FSB te chuan a chungchang sawi an remtih loh vang niin a sawi.
Kum 2015 atang khan Russia physicists 12 man an ni tawh a, heng mite hi hypersonic technology lam nena inkungkaihna nei vek an ni. An vaiin phatsantua puh vek niin state secret te ram dangte hnena pe ah puh an ni.
Kremlin chuan chung mite puhna chu a ‘serious’ tih sawiin special services te an inrawlhna a nih avangin a sawi thui thei lo tiin a sawi.
Mahse chung mite thian leh thawhpuite chuan scientist-te chu weapons development lama inhnamhnawihna nei lo tia sawiin an thubuai neih thenkhatte chu foreign researcher te nena langtlang taka an thawhhona vek a ni an ti ve thung. FSB te chuan foreign spies te chuan chung mite hmang chuan weapons secret neih an tum an ti ve thung.
Hypersonic te hi missiles chikhat niin chak taka thlawk thei leh a thlawh lai pawha air defence te bum thei tura kal kual thei a ni.
Russia chuan Ukraine indonaah pawh hypersonic missile chi hnih Kinzhal leh Zircon te a hman thu a sawi a. Mahse, Kyiv thung chuan Kinzhal missile chu a kapthla tia sawiin chu chuan a theihna a sang lem lova ngaihna a thlen.
April 2023 a Galkin man anih hnu lawkah he mi ni vek hian paper thahnem tak a tihpui Valery Zvegintsev chu man zui a ni bawk a. State-owned news agency Tass chuan Zvegintsev man a nihna chhan chu kum 2021 a Iranian journal-a article tihchhuah vang a ni mai thei tiin a puang.
Galkin leh Zvegintsev te hi he article-ah hian high speed aircraft te air intake mechanism chungchangah an hming tarlan a ni a.
Kum 2022 khan FSB te chuan Zvegintsev thawhna institution a a thawhpui pahnih te an director leh laboratory head hlui te high-speed a aerodynamics hnathawh dan zirchiang tute chu an man bawk a. Institute of Theoretical and Applied Mechanics (ITAM) a thawk te chuan an thawhpui te man an ni chu an duh lohzia an tichhuak bawk.
“Hypersonic chungchang chu lung in a khung mai theihna topic a ni mek tawh” tiin Yevgeny Smirnov, First Division, Russian human rights leh legal organisation lawyer chuan a sawi.
Smirnov hi a hnathawh avanga hrem a nih hlaua kum 2021 a Russia atanga Prague a a pem hma chuan court ah scientist-te tana ding ber a ni thin.
Scientist te man bultann hi tuna kum 83 a upa ni tawh Vladimir Laygin man atanga intan niin kum 2016 khan man a ni a, a hnu kum li ah parole a chhuah a ni thung a. Russian space agency main research institute, TsNIIMash a kum 46 zet thawk tawh a ni.
Lapygin chu aerodynamic calculation software pakache Chinese contact henna hralha puh a ni a. Institute tana thawka a full package an lei theih nana a demo version chauh thawn a nih thu a sawi a. Chutah chuan secret information engmah a awm lo a ti bawk. Lapygin chuan an hnathawh leh hypersonic weapons chuan inzawmna a nei lo a ti bawk.
Institute of Laser Physics a thawk Dmitry Kolker pawh man niin amah an puhna chu China a lecture a pek vang niin chuta a lecture content te chu FSB tena an remtihsa vek leh FSB agent pawhin a telpuina a ni tiin a chhung ten an sawi a. Kolker hi cancer veia damdawi in a awm lai man niin man a nih hnu ni hnihah kum 54 mi lek niin a thi a ni.
Scientist te chu khawvel ram dang scientist te nena thawkho tura beisei an ni chungin FSB te chuan foreign scientist te nena contact an neih hlek emaw leh foreign journal a thuchuhah an neih hlek chuan Motherland phatsanna angah an ngai bawk si a ni.
ITAM scientist te chuan kan hnathawh zui zel dan tur pawh kan hre lo tiin open letter an ziahah an sawi a. “Vawiina lawmman kan neih te hi naktuk lawka criminal prosecution kan dawn theihna a ni zui a ni” tiin an ziak bawk.
Smirnov chuan FSB officer te nena titina an neihah hypersonic secret chungchang chu chunglam thuneitute tihlawm nana an buaipui vak a ni tia an hrilh thu a sawi.
FSB te chuan Putin a tihropui nan ram dang spy ten Russian missile secret neih tumin an hmanhlel tizawnga thil an kalpui nia sawi a ni.
Memorial human rights centre a Russian political prisoner te tana thawk lawyer Sergei Davidis chuan Russia in Ukraine a run hnuah Russia ah spy atchilhna leh isolationism a turu tiin a sawi.