Congress Working Committee te chuan lungrual takin Rahul Gandhi chu 18th Lok Sabha-ah Leader of Opposition (LoP) ni tura ngenin resolution an siam a.
Party thuneitu sang ber thukhawm ngenna chu Rahul Gandhi chuan ngaihtuahin a thutlukna a hrilh vat tur thu a sawi zui bawk a. Party president Mallikarjun Kharge chuan Rahul chu CWC resolution chu pawma mawhphurhna la turin a ngen zui bawk.
Congress Parliamentary Party (CPP) Lok Sabha member thar te leh Rajya Sabha member te pawh Central Hall of Samvidhan Sadan (Old Parliament) a thukhawmin Sonia Gandhi chu Kharge an a rawt hnuah chairperson atan an thlang bawk.
CWC chuan hun barsa tak karah Lok Sabha inthlana party chetdan chu lawmawm an ti a, mahse, party chuan Congress rorelna Himachal Pradesh, Karnataka leh Telangana a party in Lok Sabha inthlana beisei a pha lo chu zirchiang tur committee din ni se an ti bawk.
CWC member te chuan Lok Sabha result thatak neih boruak kalpui zui zel tur chuan Rahul Gandhi an LoP dinhmun a chelh a ngai an ti a. Senior leader Digvijaya Singh chuan Rahul Gandhi chu LoP anih ngai tiin Gaurav Gogoi pawhin a thlawp zui bawk.
Rahul unaunu Congress general secretary Priyanka Gandhi Vadra pawhin a unaupa chuan Congress theihnaah rinna nghat tlatin tun hnai kum 10 chhunga BJP tena an nuihsawh chung pawhin a nghing lo a ni a ti.
LoP atan Rahul Gandhi rawt
Get real time updates directly on you device, subscribe now.
Next Post