Russia in hospital a beihnaah mi pakuain nunna chan

Ukkraine thuneitute chuan Russia in an hospital pakhat a beihna avangin mi pakuain nunna an chan niin an sawi a, Russia chuan pawisawi lo beihna chu engahmah a ngaih loh thu an sawi.
He hospital an beih hi Russia ramri atanga mel 19 a hla a awm a ni a, mi pakuain nunna an chan bakah, hliam na zual tak tak 12 an awm bawk.
Thawktute leh police te chuan an beih zui zel ven nan hospital-a awmte chhanchhuah hna a theih ang angin an thawk nghal a, damlo leh a awmpuitute tam tak hmun him lamah dah nghal an ni bawk.
Tun hnaia Russia in Ukraine a beih lehna hi Ukraine president in US puihna dil ni ngeia America a a zin vang niin report thenkhat chuan an sawi a, Russia hian Zelensky leh US president Biden leh vice president Kalama te nen Russia hneh dan tur an duang ngei niin a ngaih vang niah an ngai bawk.