Russia-in Ukraine energy facility bei

Ukrainian energy facility te chu Russia in nasa takin a bei leh mek a, a bik takin Ukraine power grid te chu a thlurbing niin Ukrainian official te chuan an sawi.
Tun hi Russia-in tun hnai thla thum chhunga Ukraine energy infrastructure te tum riat a beihna a ni tawh tiin Ukraine enrgy minister chuan a sawi.
Air defence system chuan Russia in missile 16 a kahchhuah zinga 12 te chu an lo kap thla a, missile kahchhuah atanga 13 te chu zan lama kah chhuah a ni tiin Ukrainian air force te chuan an sawi bawk.
North-eastern Ukraine a Kharikiv region ah pawh Russian guided bomb avangoin mi pathumin nunna chanin mi 18 chuangin hliam an tuar bawk a, Kharkiv ah hian Russia chuan guided bomb pali a kap lut a ni.
“Firfiak ten chet an la leh a, civilian infrastructure te bawk an tum leh a. He district-ah hian military interest an nei lo” tiin Kharkiv regional governor, Oleh Syniehubov chuan a sawi.
Zan lama infrastrucue hmun a beih avang hian energy worker pahnihin central Zapozizhzhia region ah hliam an tuar a, western city Lviv ah pawh bungrua pawimawh tihchhiat a nei niin official te chuan an sawi.
South-western region Ivano-Frankivsk ah pawh missile te hian chenna in leh kindargarten a tichia tih a ni bawk.
Russia hian tun hnaiah Ukrainian eenrgy te a bei zing ta hle a, chuvang chuan Ukraine ah power awm lo a thlen fo a ni. President Volodymyr Zelensky chuan tun hnaiah lawk pawh Moscow chuan Ukraine in electricity-generating capacity a neih chu a zah ve lawih a tihchhiatsak tawh tiin a sawi.
Kar kalta Ningani pawh khan Ukrainian thuneitute chuan zan lama Russia-in a beihna avangin energy infrastructure a thawk hnathawk pasarih in hliam an tuar a, tihchhiat a nei nasa an ti tawh bawk a.
Hei vang hian ni tin deuhthaw ram pum huapin infrastructure pawimawh hospital leh military facility te humhim nan power te pekchhuah lohin a awm thin a ni.
“Kan vansang ram te kan khar a ngai a, a nih loh chuan Ukraine in thlasik hunah a tuar lutuk dawn” tiin Ukraine a privatee energy company lian ber DTEK chief executive Maxim Timchenko chuan a sawi a. “Ka ngenna chu kan thawhpui ram te hian kan eenergy system humhimna lamah minpuiin thlasik hma in min siamthatsak hman se” tiin a sawi bawk.
Zelensky chuan Ukraine allies te chu air defence system tam zawk pe turin a ngen chamchi a. A bik takin US siam patriot air defence system chu a ngiat bik a ni.
Ivan Fedorov, Zaporizhzhia governor pawhin, “Chiang taka kan sawi theih chu kan hmelma te hi an chawl dawn lo. Ukraine in air defence system a mamawh a ni,” tiin a sawi.
US National Security Council thupuangtu John Kirby chuan Washington chuan Patrior missile pek turah ram dang te chungah Ukraine chu a ngai pawimawh hmasa ber dawn tiin a sawi bawk.