CBI-in NEET-UG a puhna awmte chhui dawn

Competitive exam thenkhatte dik tawk lo leh fel tawk lova ngaihna kal mekah Health ministry chuan June 23 zinglam khan NEET-PG entrance examination neih hma lawkin thulh a nih thu a puang a.
Chumi hnu lawkah National Testing Agency Director-General Subodh Kumar Singh chu NEET-UG examination leh examination dang an kaihhruaina hnuaia neiha paper leak leh thil fello a awm tia sawi vangin ban a ni bawk.
Zirlai leh Opposition tena nasa taka an nawr hnuah May 5-a NEET-UG examination a thil fello awma sawi chu chhuichiang turin Education Ministry chuan Central Bureau of Investigation hnenah a pe ta bawk a.
Union government chuan June 21-a hman tan tur Public Examination (Prevention of Unfair Means) Act, 2024 kalpui bawkin he mi hnuaiah hian mimal emaw pawl emaw thiltisuala finfiah te lakah hremna khauh ber pek an ni ang a ti bawk.
Education Ministry chuan kar kalta Inrinni khan member pasarih awmna expert committee NTA road map thar siam tur a din bawk a. ISRO chief hlui K. Radhakrishnan chu panel chairman ah dahin NTA kalpui zel dan turah rawtn an siam dawn a, thla hnih chhunga an rawtna siam te thehlut hman tura tih an ni bawk.
Education Minstry hnuaia autonomous body NTA tena NEET-UG an conduct ang lo takin NEET-PG chu Health Ministry hnuaia National Board of Examinations tena an conduct a ni thung a. June 22 zanlaia thuchhuah Health Ministry in a siamah khan NEET-PG kalpui dan chu uluk taka enfiah a tul avangin a tuk lawka examniantion neih tur chu thulh a ni tiin a puang a ni.
Health Ministry chuan canddiate nasa taka inpuahchah te hnenah pawi an tih thu sawiin mahse zirlaite tana tha ber tura ruahmanna ans iam a nih thu sawiin exam huaihawt hun an hriattir leh vat tur thu an sawi bawk.
He mi hma lawk hian Appointments Committee of the Cabinet chuan Pradeep Singh Kharola, chairman and managing director of the India Trade Promotion Organization chu NTA hmui rih turin an ti bawk a ni.
Tun hnai thlakhat vel chhungin agency ten sawisel an hlawh nas ahle a, NEET-UG a thil fello a awm tih atanga intanin hei vang hian zirlai 23 lakhs te a nghawng a. Chumi hnu lawkah UGC-NET Examination chu cybercrime department ten thil fello a awm an tih hnuah cancel a ni leh a. Joint CSIR-UGC-NET examnination pawh lohtheihloh thil avanga cancel a ni leh bawk.
Chuvang chuan Education Ministry chuan NTA felfai leh thianghlim taka neih a nih theih nan expert panel thar an dinpphah tiin an sawi a, chu chu examination process tihthan naa rahbi pawimawh hmasa tiin an sawi bawk.
Opposition ten an sawisel na hla bawk a. “NEET scam ah hian BJP te hian eng ang pawhin theihtawp chhuah ang pawh in ti se, inbumna, corruption leh education mafia te an vulhnaa an mawhphurhnaah an fihlim thei chuang lovang” tiin Congress President Mallikarjun Kharge chuan a sawi. Supreme Court pawhin NEET-UG ah 0.001% inbumna a awm a nih pawhin hremna lekkawh tur a tih laiin eng vangin nge Union government hian exam huaihawt that leh mai a duh loh, a ti bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More