President Vladimir Putin thawhpui hnai tak pakhat chuan Russia territory tana hlauhawm Kyiv hnena khawthlang ram tena ralthuam an pe a nih chuan khawvel chhiatna a thlen thei tia sawiin weapons of mass destruction hmang lo thei lovin a siam thei a ti.
-- Advertisement --
Vyacheslav Volodin, speaker of Duma (Russia lower house of parliament) chuan United States leh NATO tena Ukraine an puih tlatna chuan ‘indona rapthlak’ a thlen mek a ti a.
“Washington leh NATO tena ralthuam civilian leh khawpui beih theihna tur an pe zel a nih chuan min vau tihna a ni ang a, chu chuan ralthuam thil ti thei zawk min hman tir lo thei dawn lo,” tiin Volodinc huan a sawi a.
“Ram pahnih inbeihna angah weapons of mass destruction hman tur a ni lo tih chu pawm theih a ni dawn lo va, a chhan chu tun hmain ram dang ten an khua leh tui te security atana hlauhawm leh an ram chan mai hlauhawmna an la tawn ngai loh vang a ni,” tiin a sawi.
Karkalta khan Khawthlang ram te chuan Ukraine ralthuam dollar billion tel u pek an rem ti a, mahse, Germany erawhin German siam Leopard battle tanks pe tura an ngenna chu a tihlawhtling duh lo thung a ni.
February 24, 2022 a Russia in Ukraine a run atangin inbeihna la kalpui chhunzawm reng niin Russia chuan Ukraine hmun thenkhat a thunun mek te chu a pek let ngai loh tur thu a sawi bawk a. Kyiv thung chuan Ukraine territorial integrity chu inremna siam nana hman rem lo bur a ti ve thung.
“Kyiv hnena ralthuam hlauhawm pek a nih chuan khawvel chhiatna a thlen ang,” tiin a sawi.