Russian activist kum 25 lung in tantir dawn

Russian-British journalist leh politician hlui hi Putin dodaltu man leh Russia tlanchhiatsan zinga pakhat a ni a.
Amah puhnate chu hnawl vekin thubuai siamsak a nihna ringawt pawh chu a sawisel a. Kar kalta khan, “Ka thusawite ka nemnghet vek a ni,” a ti a.
“Engmah ka thusawi tawhah inchhirna emaw ka nei lo va, ka chhuang em em zawk a ni,” tiin Moscow court-ah a sawi bawk.
Kum 41-a upa niin khawthlang ram tena Russian official te human rights bawhchhia leh eirukna thila an inhnamhnawih nasat avanga hrek an tawh theih nana hlawhtling taka hma latu a ni.
Kum 25 lung in a tan tur hi a thubuai neiha hremna tawh theih sang ber niin opposition te Russia thuneitu tena lung in an tantir rei ber tur a ni dawn bawk.
Kara-Murza hi kum khat kalta khan Moscow-ah man niin a tirah chuan police officer thuawih lo tia man a ni a. Mahse, man a nih hnuah a lakah thubuai rip tak siamsak a ni zui ta a ni.
A thubuai siamsakte chu a hma kuma US-a politician-te hnena a thusawi behchhan vek niin chutah chuan Russia chuan Ukraine-ah war crime tiin mipui chenna hmunah cluster bomb a hmang a, damdawi In leh school te pawh a bomb tel a ti a ni.
A thusawite hi independent-a finfiah vek ni mah se, Russian investigator te thung chuan dawt tiin an sawi a. Defence ministry chuan phal loh thil ralthuam engmah Ukraine civilian population te lakah a hmang lovin thlurbing pawh an ni hek lo an ti thung.