Russian missile vangin mi pasarihin nunna chan

Russian missile vangin mi pasarihin nunna chan
Ukraine chhim lam khawpui pakhat Zaporizhzhia chu Russia missile chuan beiin, mi pasarihin nunna an chan a, mi 22 chuangin hliam na tak an tuar. Hliam tuar zingah hian naupang pawh an tel niin Ukraine chuan a sawi.
Nimin thleng khan Ukraine chuan chhiatna hmun hrang hrang seng hawi hna leh mitang an awm leh awm loh zawn hna an la thawk reng tih an sawi a, hliam tuarte pawh an la awm belh zel thei niin an sawi bawk.
Zaporizhzhia huamchhung roreltu Ivan Fedorov chuan Russia chuan ballistic missile a hmang ngei tih sawiin, an khawpui chhung chu nasa taka nghaisak a nih thu a sawi a, hemi chungchangah hian Russia lam chuan engmah a la sawi duh lo thung.
Fedorov chuan nunna chan chhungte zawng zawng a tawrhpui thu sawiin, Russia chet dan chu ngaihdam theih loh leh lungngaihna vawrtawp a nih thu a sawi a, hliam tuarte pawh enkawlna tha tak pek nghal an nih thu a sawi bawk.