Sabrina ‘Espresso’ a lar ber

Sabrina Carpenter hla hit ‘Espresso’ chu Billboard Global 200 chart-ah a No.1 a, he chart-ah hian a zawn lovin kar hnih a No.1 tling ta. Hetihrual hian LISA hla thar ‘ROCKSTAR’ pawh No.4-ah a debut e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Sabrina Carpenter ‘Espresso’ hian kar khat chhungin stream maktaduai 92.9 leh sales 9,000 a la nei thei a, hei hi chart No.2 atangin No.1 a kaipui leh ta a ni.
Sabrina hla dang ‘Please Please Please’ chu kar hnih a No.1 hnuah No.2-ah a tawlh ve leh ta a, tihian kar li chhung chu he chart No.1 leh No.2-ah Sabrina Carpenter hla pahnih te hi a awm ta a, zaithiam zinga hetiang tithei hmasa ber a ni.
Saboozey ‘A Bar Song (Tipsy)’ chu No.3-ah bawk awm lehin, LISA hla thar ‘ROCKSTAR’ chu No.4 a ni a, he chart top 10-a lang thei hla pathum a neihna a ni a, Billie Eilish ‘Birds of a Feather’ chu No.5-ah bawk a la awm.

Billboard Global 200 Top 10:
1 Espresso – Sabrina Carpenter
2 Please Please Please – Sabrina Carpenter
3 A Bar Song (Tipsy) – Shaboozey
4 Rockstar – LISA
5 Birds Of A Feather – Billie Eilish
6 Not Like Us – Kendrick Lamar
7 I Had Some Help – Post Malone Featuring Morgan Wallen
8 Million Dollar Baby – Tommy Richman
9 Beautiful Things – Benson Boone
10 Gata Only – FloyyMenor X Cris Mj