SAFF Championship-ah Valpuia telna India team nem zawk inlan dawn!
|henawm Bangladesh khawpui Dhaka-in tun November 5-17 chhunga South Asian Football Federation (SAFF) Championships a thlen turah India chuan senior team tir loin 28-member U23 squad a tir dawn a, hei hi a chhan bul ber chu international friendly match khelh hun nena a insutbuai bakah ISL club lamin an player-te an chhuahtir remchan dana zir a ni.
Kum 2023 champion India hi defending champion a nih piahlamah Asia khawmualpui chhim lam ram bikte football-a intelkhawmnaah na na na hi chuan a chungnung hle a, champion ngun ber niin, kumin hian a vawi 10-na atan title an beisei leh dawn a ni.
Tarlan tak angin, India senior national team chuan November ni 12 leh 15 hian international friendly match pahnihah mualneitu New Zealand a infiampui dawn a; chutih laiin Indian Super League (ISL) club lamte pawhin FIFA international match khelh hun lai (November 9-17) tih lohah chuan an player-te ram tana chhuah loh theihna right an neih changchawiin an lo hum ve duh bawk si a, an vawk lal lenna SAFF Championship lamah first team tir loin second string team a tirh mai a ngai ta alamah an inhmachhawn nawn leh dawn a ni.
Karliamta Zirtawpni daih tawha Dhaka tournament lian khel tur player 28 awmna squad a puanah Under 23 head coach Naushad Moosa chuan Durtlang tlangval Hmingthanmawia Ralte bakah Khaiminthang Lhungdim leh Manglenthang Kipgen a ko tel.
Nimin khan player 18-in Kolkata khawpui a\angin Dhaka an thlawklut phawt a, All India Football Federation (AIFF) thuchhuahin a tarlan danin, player dang 10-in a hnu lamah India team hi an zawm ve leh dawn a ni.
India hian an match hmasaberah naktuk, November ni 5 hian Pakistan an hmachhawn dawn a, chu chu a chunga tarlan tawh angin, FIFA international match window (November 9-17) pawn lam a nih avangin chu mi chhuanlam chuan national duty-a chhuak tur an player-te an hum thiang a, hei hi second team tirh an ngaih chhan pakhat a ni.
He boruakah hian AIFF deputy secretary general M. Satyanarayan chuan club-te thawhpuina leh player an chhuah phalnaah lawmthu sawiin, rama tana player kaltir remchang lo club-te dinhmun pawh an hriatthiampui thu a tarlang tel.
Kumin October 24-30 chhunga Azerbaijan khawpui Baku-a tournament thar 2026 FIFA U-15 World Cup & Festival an tiha India U15 men’s team coach Bibiano Fernandes kha SAFF Championship-ah hian assistant coach niin, .
India hi Group B lamah Maldives leh Pakistan-te nen awm hoin, Blue Tigers hian Pakistan zawhah November ni 11 khian Maldives anhmachhawn leh ang.
A thlengtu Bangladesh, Sri Lanka leh Bhutan chu Group A lamah awm ho ve thungin, group pahniha a sang pahnih hian November ni 14 a\anga khelh \an tur semi-final an lut dawn a; final match hi November ni 17-a khelh tura ruahman a ni.
He tournament chhunga match zawng zawng hi Dhakha khawpuia National Stadium-ah vek an khel ang.
India squad
Goalkeepers: Arsh Anwer Shaikh, Mohanraj K, Priyansh Dubey.
Defenders: Abdul Rabeeh, Bijoy Varghese, Chinglensana Singh Konsham, Hmingthanmawia Ralte, Khaiminthang Lhungdim, Muhammed Uvais, Nathan Rodrigues, Ronney Kharbudon, Sandip Mandi.
Midfielders: Abhishek Suryavanshi, Adison Singh Thokchom, Brison Fernandes, Ebindas Yesudasan, Farukh Choudhary, Macarton Nickson, Manglenthang Kipgen, Nikhil Prabhu, Noufal PN, Ricky John Shabong, Suresh Singh Wangjam.
Forwards: Irfan Yadwad, Liston Colaco, Muhammad Suhail, Vishnu PV, Suhail Ahmad Bhat.
Head coach: Naushad Moosa
Assistant coach: Bibiano Fernandes
Goalkeeping coach: Parshuram Salwadi
Strength and conditioning coach: Saifulla
India fixture:
15:00 IST, November 5: Pakistan vs India
15:00 IST, November 11: India vs Maldives
14:30 & 20:00 IST, November 14: Semi-finals
19:30 IST, November 17: Final