Sahuan savawm bo inlar

Kumin April 1 zinga Aizawl Zoological Park atanga chhuak nia hriat savawm pakhat chu man theih loha hun engemawchen a awmna chin hriat a nih tawh loh hnuah April 20 zan khan kawngpuiah hmuh a ni.
Thudawn danin savawm an hmuhna hi Lungverh leh Sihhmui inkar kawngpuiah a ni a. April 21 zing khan Sihhmuia rel kawng siamtuten a thawm an hre leh a.
Savawm hi hmuh zui ni lo mah se, Sihhmui leh Lungverh inkarah a hnuhma hmuh tur a tam hle a, Forest department-in an zawng chhunzawm zel tih sawi a ni.
Aizawl Zoo atanga chhuak savawm hi sahuan huamchhungah rei tak a tawm a, a awmna avangain man emaw kah mut emaw mai theih a ni lo a ni. April 3 khan an hmuh hnuhnun ber niin, April 12 khan sahuan a chhuahsan tawh nia an hriat thu department lam chuan an lo sawi tawh a ni.