Sairang MHIP-in relah Bairabi thurawn an la

Sairang MHIP hruaitute chuan Bairabi-a rel lutin khawtlang nun a nghawng dan zirchiangin Thawhtanni khan Bairabi an tlawh. Joint MHIP Sairang hian Sairanga rel lut tura ruahmanna kal mekah inven tulna kawnga a ram leilungfate inven ngaih dan leh inruahman lawk tula an hriat avangin Bairabi-in an lo tawnhriat tawh te zir turin an thawkchhuak a. Bairabi South Village Council leh MHIP Bairabi South Branch hruaitute nen an inkawm.
Bairabi khawtlang hruaitute hian rel lo luh hnua hma an lak dan leh inven a ngaihna laia an inven dan te an sawi a. Chutihrualin, ruahman lawk leh hriat lawk vek theih loh thil, tawnchawp thil hrang hrang a awm thu te lo hrilhin, lungrual taka tan ho a tul dan te an lo sawi a ni.