Sairang rel station ‘world class’ a thuam tum dawn

Northeast Frontier Railways chief engineer (Construction) Vinod Kumar chuan chief minister Lalduhoma hnenah Sairang rel station sak hna an thlen tawh chin a sawifiah.
Chief engineer hian Sairang rel station awm dan hrang hrang a hrilhfiah a. He station-ah hian platform inkalpawh tawnna tur subway pathum a awm dawn a. Flyover bridge a awm lo thung. Khualzin thleng tharte chu leihnuai platform atanga chhukin, inner line permit check post paltlang zelin an chhuak ang. Bungraw hlanna platform lamah State Taxation hmunhma tur siam a ni ang.
Chief minister-in Union Railway minister Ashwini Vaishnaw hnena a lo thlen tawh angin, Sairang rel station hi world class station ni tura thuam chhoh tum a ni.
Sairang rel station hi Prime minister Narendra Modi chu hawng tura beisei a ni a, chumi atana inbuatsaihna lam pawh an sawi a ni.