Saitual district-ah sawhthing
kg nuai 5 chuang lakhawm ta
Saitual district-ah sawhthing chingtute atangin kg. nuai 5 chuang a dahkhawmnaah dah mek a ni a, a sum faiin cheng vaibelchhe 2 chuang hu a ni.
District Agricultural Marketing Committee Saitual chu an chairman, bawrhsap Dr. Lalngura Tlau kaihhruaiin Thawhlehni khan an thukhawm a. Secondary Collection Centre hrang hrang atanga sawhthing hralh tawh dan leh stock dinhmun, SCC tinin auction an kalpui dan tur leh hmalak zel dan tur sawiho a ni.
Thutkhawm lai, March 4 chawhnu dar 2.50 thlenga Secondary Collection Centre (SCC) hrang hranga stock dinhmun tarlan danin, Saitualah kg. 98700 (aprrox), Keifangah kg. 114791, Ngopa kg. 176876, Phullen kg. 55200, Suangpuilawn kg. 50111, Phuaibuang kg. 87229 awmin, a vaiin kg. 582907 stock mek a ni. MAMB portal-a a landanin, tunah hian kg nuai 4 vel lak a ni tawh a, a sumfaiin cheng vaibelchhe 2 hu a ni.
Thawhhnihna atana Saitual district-a SCC 7-a sawhthing an dawn khawl chu auction hun chhung siam niin, a chhang huai ber hnena hralh tur a ni. Auction chhangtute leina chu MAMB account-ah a lut anga, sawhthing hralhna man chu sawhthing chingtuten SCC-a an hralhna /bukna milin pek leh thin tur a ni. A thawh thumnaah chuan SCC-a stock tih ral zawh veleh dan pangngaia sawhthing lak kalpui lehnghal tur a ni a, stock tawh loin a lut hmasa apiang chu support price anga pek chhuah zel tur a ni ang.
Thutkhawmah hian a kaihhnawih sawrkar department hotute bakah Phullen Multipurpose Farming Society aiawhte an tel a, inbiak hmuh theihna hmangin Saitual district-a Secondary Collection Centre aiawhte an tel a ni.
Saitual district-ah sawhthing kg nuai 5 chuang lakhawm ta
Get real time updates directly on you device, subscribe now.