Salman Khan kawta silai hmetpuaktua puh man

Bandra, Mumbai-a Salman Khan chenna kawta silai hmetpuak a, tlanbo zui ta ni a puh mi pahnih chu manin Mumbai Crime Branch-ah la chhui zui leh tura hlan chhawn an nih thu Bhuj Police ten an puang. An miman te hi Vicky Gupta, kum 24, leh Sagar Pal, kum 21, an ni a, Bihar chhuak ve ve niin, Kutch-West leh Mumbai police department te thawkhoin technical surveillance atang an man chhuah te a ni.
Bhuj Police ten thuchhuah an siamah chuan, “West Kachchh Polic ten mi pawhnih, Lawrence Bishnoi gang nena inzawmna nei an man a, anni hi April ni 14 vartiana Salman Khan chenna kawta silai puak a a mawhphurtu an ni,” an ti.
Deputy Inspector General of Kutch-West, Mahendra Bagadiya chuan, police ten an chhuinaah chuan heng mipahnih te hi Lawrence Bishnoi -a’n Salman Khan-a kawta silai hmetpuak tur hian a ruai a, Pal hi silai hmetpuaktu zawk niin, Gupta hi gang member te nena inbepawp zawk niin a sawi.
Lawrence Bishnoi gang hian Salman Khan leh a pa Salim Khan te hi thahah an lo vau zeuh zeuh tawh a, April ni 14 vartiana hetiang thil thleng a awm leh tak bawk si avangin Salman Khan venhimna hi an tichhah lehzual a, ralthuam pai bodyguard-in an veng, a chetvelanaah hian police-in an zui deuh zel a, tunah chuan amah ngei pawh silai pai phalna pek a ni tawh a, a sahimna atan armoured vehicle thlengin a nei tawh bawk a ni.