Salman Khan thaha vauna email thawntu an man
Rajasthan police leh Mumbai police thawkho chuan kar kaltaa Bollywood star Salman Khan thaha vauna email thawntu ni a sawi Dhakad Ram Bishnoi, kum 21, chu Jodhpur-a an man a, Mumbai-ah lak a ni ang.
Kar kalta khan Salman Khan-a personal assistant Jordy Patel chuan an email dawn pakhat chu Salman Khan thaha vauna a ni tih a hriat hnuah Salman Khan-a thiantha Prashant Gunjalkar chuan Bandra police station, Mumbai-ah complaint a theh lut, an han chhui deuh hnuah email hi Jodhpur atanga thawn a ni tih an hre ta a, Mumbai leh Jodhpur police ten joint operation an nei ta a ni.
Dhakadram hi Siyago Ki Dhani, Jodhpur a cheng a ni a, ani hian Punjabi singer misual kuta tualthi ta Sidhu Moose Wala pa hnenah pawh thaha vauna email a thawn tawh niin an sawi bawk.
Bandra police te hian IPC section 120-B, 506(2) leh 34 hnuaiah FIR an ziak lut a, FIR hi mi pathum- gang hotupa Lawrence Bishnoi, Goldie Brar leh Rohit te lakah an ziak lut a, SHO (Station House Officer) Ishwar Chand Pareek chuan Dhakad Ram lakah hian Arms Act tlawh chhanin case an siam niin a sawi bawk.
Salman Khan thaha vauna email thawntu an man
Get real time updates directly on you device, subscribe now.
Next Post