Saniz Mirza leh Shoaib Malik te chu nikum lam atang khan an awm hrang tawh a, mahse, an inthen thu erawh puanzar a ni lem lo a, an inthenna te an tihfel thawm hriat tur a awm hmain Shoaib Malik hian Pakistani actress Sana Javed nen an inneih thu a puang a, hei hian fans lam pawh a barakhaih ve khawp mai. A hnu lawkah Sania laizawn Anam Mirza chuan thuchhuah siamin Sania leh Shoaib te chu an inthen fel tawh thu a puang ve nghal a ni.
Anam Mirza chuan, “Sania hian a mimal nun hi a puangzar ve vak ngai lo. Mahse, tun tum chu lo theih lohnain a nang ve a, Shoaib nen hian thla eng emawti kal khan an inthen fel tawh. Shoaib hmalam hun atan duhsakna a hlan. A hun tawn sensitive laiah hian a privacy zah sak a, rinthu leh ngaihruatna te chaw tak khuka lo khuk pui lo turin kan ngen che u a ni,” a ti.
Sania Mirza hian an nupa inkar thu hi a puangzar ngai lem lo a, mahse, tun tum chu a dinhmun tihchian nan a ti a ni ngei ang, Dubai-a a chenna ina a name plate thlalak lang ngeiin a fapa nena an thlalak social media-ah a tarlang ve ta a, a name plate-ah cuan “Sania & Izhaan” tih a inziak a, a caption, “Hetiang hi a ni mai e,” a ti bawk.
Sania leh Shoaib te hi April 2020 khan an innei a, Shoaib hian a nupui hmasa Ayesha Siddiqui a lo then tawh a, Sania hi a nupui pahnihna niin, tunah Sania nen an inthen hnuah a pathum nan Sana Javed a nei leh ta a ni.
Sania Mirza-i’n an inthen tih puan nan name plate thlalak a post
Get real time updates directly on you device, subscribe now.
Next Post