Kuminah Sialhawk khua chuan sawhthing hralhna a\angin cheng nuai 370 chuang an hmu tawh a. An chhehvel khua nena an hralh zat chu nuai 600 chuang a ni. The Aizawl Post-in a zawhnaah Sialhawk VCP J Rampanmawia chuan kumin hian an khua chuan sawhthing quintal 5,964.52 an thar tawh a, hemi an hralhna a\anga an sum hmuh hi Rs. 3,70,15,933 a ni.
Hetih rual hian an khaw \henawma sawhthing thar pawh Sialhawk a\anga hralhchhuah tur hian lakkhawm \hin a ni tih VCP hian a sawi a. Hralhchhuah tura Sialhawk a\anga an sawhthing buk zawng zawng hi quintal 10,829.80 niin, hemi a\anga an sum lakluh hi Rs. 6,33,79,684 niin an chhut tih a sawi a ni.
Sawhthing hi January thla a\angin tlem tlemin buk \an a ni a. A man to ber \umin kg khat Rs. 119 in an hralh a, hemi \um hian quintal 817 buk a ni tih sawi a ni.
Sawhthing hi tender hmangin an hralh tlangpui a, chuvanga a man to lai deuh pawh awm thei ta a ni tih sawhthing chingtute chuan an sawi a. A leitute hi phailam mi niin, an thawhpui Mizote nen an ngamna zat hi an indawr a, a ngai huai ber hnenah hralh \hin a ni tih an sawi.
Kuminah Sialhawk leh a chhehvel khua mai bakah khaw dang pawhin sawhthing an hralh hlawk hle tih The Aizawl Post chuan thu a dawng a. Hliappui khua pawhin cheng nuai 150 vel man an hralh tawh niin an sawi.
Sawhthing hralhnaah nuai 370 hmu
Get real time updates directly on you device, subscribe now.
Prev Post