New Market building sak dan duhkhawp lohna lai enfiah

Aizawl City Centre Annexe tih, Aizawl New Market building sak\hat hna thawh danah duhthu sam lohna lai a awm tih sawi a awm avangin Congress Thalai chuan an enfiah a, tha taka he building hi sak an duh tih an sawi.
Tun Inrinni chawhnu lam ruahsur laia tuihawk tling kara tie-beam an chhung lai video chu social media lamah a darh a, Pathianni khan Congress |halai hruaituten a hmunah an enfiah. Tie-beam an chhun hi \hiah leh a ni tawh a, a bul a\angin an siamtha dawn niin thu an dawng. Hetihlai hian building sak pum tawh \henkhat leh sak pum tum mekte chu tui pek \hat mang lo leh nghak rei loin an sa pawp pawp mai niin a bulhnai ami \henkhat chuan an lo sawi a, khua reiah rin ngam a nih loh palh an hlauhthawnpui tih an lo sawi a ni.
Congress |halai Hqrs. president Laltawnliana chuan he building sakna tur sum hi Congress sawrkar laia dah vek tawh ni siin, tun thlenga sak zawh a la ni lo leh hnathawh a muang em em te, hnathawh a tha lo tih report leh building an sak pum tawhte pawh tui pek a nih ngai miah loh thu an dawng tih a sawi. “Kan ram ro tura tih, mi tam tak eizawnna tur hetiang mai maia sak a ni hi na kan ti a. He building sak mek hi mangkhawng lianpui a nih loh na turin contractor pawhin an hna tha leh uluk zawka thawk turin kan ngen a ni,” a ti.
New Market behchhana chhungkaw 2000 chuang eizawngten harsatna an tawk rei tawh lutuk chu pawi an tiin an tawrhpui a. Tun aia chak leh tha zawka thawk turin contractor an ngen bakah sawrkar pawhin ngaipawimawh lehzual turin an ngen tih a sawi a ni.
Aizawl City Centre Annexe hi Lushai Engineering Pvt Ltd. Aizawl sak a ni a. Building awmsa vaw thiatin a thar sak hna hi 2018 October 2 atanga tain, thla 36 (kum 3) chhunga zo tura tih a ni a; cheng nuai 3641.59 senga sak tur a ni. Kum 4 chuang sak a nih tawh hnuah pawh, hna hi zaa 50 an la thawk zo lo nia hriat a ni.
Aizawl New Market-ah hian sumdawng pawl (association) 65 an awm a. New Market behchhan hian chhungkaw 2240 chuang eizawng an awm a, Covid-19 leng avang leh an eizawnna hmun thiah darh sak an nih avanga an harsatna tawh hi sawrkar nawrin lungawilohna te pawh an lo lantir tawh a ni.