Kuminah Mizoramin sawhthing a thar hnem dawn tih Horticulture minister Prof Lalnilawma chuan a sawi a. Kuthnathawktuten sawrkar tharah beiseina an nei sang tih an hriatin an lawm a, mipui tih beidawn loh chu an tum ber a ni tih a sawi.
Chite Veng Horticulture department hmuna Multipurpose Packing House, Mushroom Laboratory leh Scion Bank Greenhouse siam chu Thawhlehni khan Horticulture minister hian a tlawh a. Sawrkarin kuminah thlai thar a lei nghal dawn avangin a sawngbawlna tur leh chhekkhawlna tur kudam ngaihtuah a ngai a, thil hmanhmawh thlak a nih avangin kudam awm ang ang hman a ngai dawn a, chumi tur chuan tunahmanraw neihte a hmantlak leh tlak loh thliarfel mek a ni, tih a sawi.
Thawmthat ngai thawmtha tura hma lak a ni a, department dang nena tanrual a ngaih avangin tumah an ralbang thei loa, kuthnathawktute an din chhuah ve ngei theihna’n hna thawk turin a sawm tih a sawi a ni.
“Sawrkar hmasaten engemaw chenah hma an lo la ve a, a theihna apiangah hma an lo lak tawhna chhawmnun zel kan tum. Sawrkar hnathawkte insiamrem ngai a awm chuan insiamrem a, sawrkar policy a hlawhtlin theih nan hna thawk turin kan infuih a ni,” Prof Lalnilawma hian a ti.
Kuthnathawktute pawh thlai thar hrisel tha tak thar chhuak ngei turin a duhsak tih a sawi a. Tunlaiah social media-ah inbeihna a nasa tawh a, thudik hre hmasa loa mahni hriat ang ang awih mai lo turin a chah tih a sawi bawk.
Minister hian Chite-a Aizawl Convention Centre sak mek a tlawh nghal a. Aizawl East II bialtu MLA, minister B Lalchhanzova leh adviser to chief minister Dr KC Lalmalsawmzauva te bakah department lamin an tawiawm a ni
Sawhthing kan thar hnem dawn – Horticulture minister
Get real time updates directly on you device, subscribe now.
Prev Post