Sawrkar hnathawk tam takin mipui chhiahhlawh nih an theihnghilh thin – Lalthansanga

Sawrkar hnathawk tam takin mipui chhiahhlawh an nih an theihnghilh thin a, an rawng bawlsak tana biak leh dawr har an awm thin tih minister Lalthansanga chuan a sawi.
Land Resources, Soil & Water Conservation department chuan Zirtawpni khan an minister Lalthansanga ho hian Quarterly Review Meeting an nei a. Review meeting chu report leh presentation ngaihtuahna chauh ni loin, an hnathawh kalphung enfiahna, an thil tihte hmasawn dan tehna, harsatna an tawh sawihona leh hmalam hun tur ruahman hona atan hman tum tura fuihin, kan leilung leh tui humhalh, lei kiam tur ven, tui dahkhawl, leilung tihthat leh enkawl dan tha zawk siam chu kan ram hmasawnna nen a inzawm tlat a. An department hmalakna hian an hmalam hun thui tak a tidanglam thei tih a sawi a ni.
An hnathawh apiangah target an nei tur a ni a, chumi hmang chuan progress an teh tur a ni a. Chu progress hmang chuan result an thlir tur a ni tih a sawi. An sawrkar chu mipui sawrkar a nih angin mipui tana sawrkar a ni tih sawiin, “Sawrkar hnathawk tam takin kan theihnghilh thin chu mipui chhiahhlawh, public servant kan ni tih hi a ni. Office-ah hahdam takin kan thu a, rawng kan bawlsak mipui laka biak harsa leh dawr harsa kan awm leh thin hi pawi a hle. Mipui, a bikin thingtlangmiten min lo dawr chuan tha takin kan lo chhawn thin tur a ni a, hrilhfiah ngai lai pawh dawhthei takin kan sawi thin tur a ni,” a ti.
Tui khawlna an siam chu hmang tangkai tak tak a ni em, terrace an siam leh soil conservation hna an kalpui chuan erosion a tih tlem phah em, plantation an siam chuan farmer-te tana income thar a siam em, heng zawhna hi inzawt fo thin turin minister hian LRS&WC department thawktute a chah a. Jhum cultivation chu pipute atanga kan lo tih, thingtlangmite tan chuan nunphung leh livelihood nen inzawm tlat a nih avangin, kan hmasawnnaah mipui nunphung leh an mamawh kan ngaihtuah tel tur a ni tih a sawi.
“Sustainable agriculture, agroforestry, plantation, terrace farming