Mizoram sawrkar chuan district tina a hnuaia high school leh higher secondary school-te hnenah Interactive Smartboard a pe a. Heng hmanraw dawngtute hi internet thlunsak bakah sum leh pai tul dang pawh pek zui tum a ni.
Aizawla smartboard thawnchhuahte vailiamtu School Education minister Lalchhandama Ralte chuan world class education kan neih theihna atana hmanraw pawimawh a ni tiin, “Sawrkar hian zirtirtute chu hmanraw tha pek a, kan naupangte tan zirna tha pek a ngaipawimawh a, sum harsatna karah pawh sawrkarin zirna a ngaihpawimawhzia a tilang a ni,” a ti.
Zirtirtuten hmanraw tha an neih chu hmang tangkai se a duh tih sawiin, zirtirtute tan hmanraw thar chhuakte chu hmang tangkai thei tura inchher hriam ve zel a tul tih a sawi a. Heng hmanraw tha te hi zirtirtuten in lama kawl mai loin, naupangten an hlawkpui ngei tur zirna atana hmang tangkai turin a chah. He hmanrua dawngtu school-te chu internet leh an mamawh sum leh pai thlenga umzui tum an ni tih a sawi bawk.
Sawrkar school-ah smartboard pe
Get real time updates directly on you device, subscribe now.
Prev Post
Next Post