SC-in Article 370 ngaihtuah zui zel
August 28 khan Supreme Court chuan Attorney General of India chu senior Kashmiri lecturer, Zaroor Ahmed Bhat chu eng vangin nge Jammu and Kashmir administration in Article 370 nuaibo chungchanga court-a a inlan avanga suspend a nih enfiah turin a ti.
“Eng nge thil thleng enfiah teh u. He court-a inlan mi pakhat chu suspend-in a awm a ni. Lieutenant Governor bia ula, court-a a inlan vang ni lo thil dang suspend a nihna chhan a awm em. He court-a inlan avanga suspend a nih leh nih loh enfiah teh u” tiin Chief Justice of India D.Y. Chandrachud chuan top law officer R. Venkataramani hnenah a sawi a.
Justice B.R. Gavai pawhin court a Bhat inlan hnu lawka amah suspension order chhuak nghal chu a inhnaihchilh lutuk tiin zawhna a nei bawk a.
“Order ka la hmu lo va, mahse Bhart court a inlan hun nen ngaihtuah chuan chutiang thil inkaihhnawih a awm a nih chuan harsatna a awm a ni,” tiin Justice Sanjay Kishan Kaul chuan a sawi bawk a.
Solicitor General Tushar Mehta Union of India leh Jammu and Kashmir administration aiawha ding chuan “issue dang a awm a” tia sawiin chu chu suspend a nihna chhan pawh a ni tia sawiin chanchinbua chhuahte hi ‘thudik vek a ni tihna a ni lo’ tiin a sawi bawk.
Mahse Constitution bench judge tena ngaih\hatlohna an neih thu an sawi zui hnuah chuan Mehta chuan ‘a hun a fuh chiah lo pawh a ni thei. Mahse, engmah sawi belh tur ka nei lo’ tiin a sawi zui thung.
A hmain senior advocates Kapil Sibal leh Rajiv Dhavan te chuan Bench hnenah, “Hei hi democracy kal dan tur a ni lo. He court-ah hian a inlan a, written submission a siam a, a tukah suspend in a awm a” tiin senior advocate te chuan an sawi zui thung a.
“Faculty a\anga suspend a nihna chhan chu Article 370 chungchang a hnial vang a ni a, hengte hi chu thil thleng tur a ni lo,” tiin Sibal chuan a sawi bawk.
Bhat hi Srinagar a Government Higher Secondary School a Political Science zirtirtu niin J&K CSR, Jammu and Kashmir Government Employees (Conduct) Rules, 1971 and J&K Leave Rules hmanga suspend-in a awm a ni.
Supreme Court-ah Article 370 nuaibo chungchang a duhlohna sawiin Bench hnenah amah ang tan chuan Article 370 nuaibo a nih hnuah democracy nihna leh Indian Constitution spirit zawhna chhan har a tih thu a sawi a ni.