SC-in Governor chetdanah zawhna nei

Supreme Court chuan Governors chuan an constitutional office te rorel lai political party a innghirnghona a awm a, trust vote rang taka titur te, hmanhmawh leh rang taka sorkar fiah tura a tih chuk chuk chuan democracy a namnulna a ni tiin a sawi.
“Governors chuan trust vote a ko chuk chuk a nih chuan sorkar majority paihthlakin a awm thei tih a hrefiah ngei nei tur a ni a. Trust vote kalpui vat chuan sorkar a paihthlak thei a. Governor chuan a office chu dusak bik a nei tur a ni lo a. Governor hmalaknain sorkar paihthlak chuk chukna a thlen tur a ni hek lo,” tiin Chief Justice of India D.Y. Chandrachud chuan a sawi.
Bench chuan he thil hi khatih laia Maharashtra Governor Bhagat Singh Koshyari an House-ah trust vote koh chuk chuk a, kum 2022 a Uddahv Thackeray sorkar paihthlak a nih phahna chungchang a sawina a ni a.
Court chuan Governor’s office version-ah zawhna neiin khatih lai khan Shiv Sena party chhungah Eknath Shinde faction leh Thackeray camp-ah ngaihdan inang lo nasa tak a awm a ti a. Shinde camp te chuan Thackeray chuan party core ideology kalsanin Congress leh Nationalist Congress Party te thurualpuiin Maha VIkas Aghadi coalition an dil an ti a ni.
“Shinde Group te khan chhanna an nei thei reng a. Duh se chuan an leader kha an vote thla thei a ni. Mahse, Governor berin leadership chungchangah lungawilohna a awm tiin trust vote a ko a ni, khatih laia sorkar kha House-a majority nei a ni a, sorkar a nih anga ka mek a ni. Governor chuan a thuneihna chu sorkar nawrthlak chuk chuk nan a hmang thei em ni? Hei hi democracy tana thil serious tak mai a ni,” tiin Chief Justice Chandrachud chuan a sawi.
Mehta chuan democratic hmanga hruaitu thlanchhuah te chuan House confidence an hun chhungin an nei tur a ni a, chutiang a nih loh chuan mumal lohnain a zui mai thin a ti bawk a.
“Leadership dinhmun chu i chhawm thei a, mahse, leadership quality chu i chhawm thei ngawt lo” tiin a sawi zui bawk.
“Mehta, sorkar chu mipui ten an hnawl thei a, mahse, Governors berin trust vote-ah duhsak a neih tawh chuan buaina a intan tawh a ni. Chutiang mite duhsak bik a nei a nih chuan democracy a thil duhawm lo tak a ni” tiin Chief Justice Chandrachud chuan Governor’s office aiawha ding Solicitor General Tushar Mehta hnenah a sawi a.
Solicitor General chuan Shiv Sena MLA tam zawk ten an leader berin ideology lama an milpui loh te tanrualpuia sorkar a siam chu duhawm lovah an ngai tiin a chhang let thung a.
“Chung mite chu kum thum chuang in chenpuia in thawhpui a lawm. Kum thum chhung inneih tawh hnuah zan khatah innghirngho thutna thlentu chu eng nge ni? A tam zawk chu alliance a minister ni lai an ni a, chu chu in pawmsa vek a ni a, thawklehkhatah in thangharh thut a ni ber lawm ni? A enga pawh ni se, sorkar chu a party core ideology kalhin a kal avanga Governor in trust vote a loh chu chhuanlam a ni thei lo,” tiin Chandrachud chuan a sawi bawk.