Supreme Court chuan Zirtawpni khan Gujarat-a judicial officer 68 te kaisantirna chu a ‘stay’ zui a. Heng kaisantir zingah hian Surat Chief Judicial Magistrate Hariash Hasmukhbhai Varma, defamation case a Congress leader Rahul Gandhi thiam loh chantira kum hnih lung In tang tura titu pawh a tel.
Justice M.R. Shah kaihhruai Bench chuan judicial officer te kaisantir chu ‘merit-cum-seniority principle’ kalh a ni tiin a sawi a.
Senior civil judge officer pahnih, Ravikumar Maheta leh Sachin Pratapprai Mehta ten apex court-ah hian judicial officers 68 te district judge sang zawka kaisantir chu an khing a ni.
“High Court-in list a siam leh State sorkarin district judge a kaisan tirte hi dan kalh niin he court thutlukna siam kalh a ni a, chuvang chuan kalpui zui theih a ni lo,” tiin Bench chuan a tarlang.
“Promotion list hi kalpui rih lo turin kan ti a, kaisantir zawngte pawh an post chelh ngaia la awm tura hriattir an ni,” tiin a sawi bawk.
Top court chuan promotion stay-na interim order hi siamin mahse Justice Shah chu May 15-ah pension-a a chhuah tawh dawn avangin bench dangin a ngaihtuah turin a ti bawk a.
Varma, CJM of Surat, district lower judiciary-a officer 69 kaisantir zinga tel niin Maheta leh Mehta te Gujarat sorkar a legal department-a under secretary leh assistant director te chuan an khing a ni.
Top court chuan State sorkar leh Gujarat High Court Rigistrar General hnenah notice a pe nghal bawk a ni.
SC-in Gujarat judicial officer kaisantir stay
Get real time updates directly on you device, subscribe now.
Prev Post