SC in Gujarat State thutlukna hnawl sak

Supreme Court chuan Gujarat State in August 2020 a kum 2002 Gujarat riot-a Bilkis Bano pawngsuala an chhungte that vek bawktu mi 11-te a chhuah zalenna chu a hnawlsak.
Court chuan heng mi 11-te hi kar hnih chhunga jail-a lut leh turin hun a pe bawk a. “Court in dikna a kengkawh tur a ni” tiin Justice B.V. Nagarathna, Bench kaihhruaitu chuan a sawi a, bench-ah hian Justice Ujjal Bhuyan pawh a tel ve bawk.
Court chuan heng convicts te hi Maharashatra-ah an chungthu ngaihtuah niin hremna pawh pek an ni a. An hremna tihtawi tur emaw pawh ni se Gujarat ni lovin Maharashtra tih tur a ni a ti bawk.
Justice Nagarathna chuan judgement a puannaah Gujarat chuan Maharashtra power dan lo anga luahlan luiin heng convict te hi a chhuah zalen a ni a ti bawk a.
“Thuneihna dan lo anga inchhuhsak luih avangin heng mite hremna tihtawi thupek hi kan hnawl a. Gujarat thuneihna a ni reng reng lo,” tiin court chuan a sawi bawk.
Justice Nagarathna chuan Section 432(7)(b) of the Code of Criminal Procedure lung in tang te hremna tihtlem emaw ngaihdam theihnaah Gujarat chuan engmah tih theih emaw thuneihna a nei lo a ti bawk a.
Judge chuan Section 432(7)(b) hmangin thil thlenna State leh convict te lung in tantirna chu ngaihdam theihna pe thei an ni lo. Thuneihna chu Maharashtra, he case transferred na leh convict te chungthu ngaihtuaha dam chhung lung in tang tura tihna thuneihna liau liau a ni a ti bawk a.
“Ngaihdam theihna hi a ngaidam theitu sorkar thuneihna a ni a. Mahse chutah pawh dan zawm chungin thleibik nei loin an kalpui tur a ni,” tiin court chuan a sawi bawk.
Justice Nagarathana chuan Gujarat-in convict te a ngaihdam ringawt chu ‘thuneihna hmansualna a ni’ tiin a sawi bawk a. Ngaihdam theihna hmansualna a ni bawk a. Ngaihdamna kalpui thei hauh lo turin an kalpui avangin rule of law bawhchhiatin a awm a ni a ti bawk.
Petitioner te chuan Mumbai a trial judge leh Central Bureau of Investigation he case chhui chiang tute chuan convict-te chhuah zalen an duh lo an ti bawk a. Mahse, sorkar laipui erawhin convict te chhuah hma ni se a ti thung.
Bench chuan Article 142 of the Constitution hnuaia extraordinary power a neih a convict te chu zalen tir law law tura tihna chu a hmang duh lo bawk a. Convict lawyer te chuan court chu hriatthiamna nena thlir tura ngenin chung convict te chuan chhuah an nih hmain kum 14 lung inah hun an hmang tawh a ni an ti a.
“Rule of law bawhchhiatna tur a ni. Covict-te zalenna laksak hi a dik a ni. Rule of law tih hian mi vannei tlemte chauh humhim a kawk lo,” tiin Justice Nagarathna chuan a sawi bawk a. Court chuan convict te chuan lung in an tanlai pawhin ‘liberal parole’ an la tawh a ti bawk.
Justice Nagarathna chuan convicts te chuan remission an dil duh a nih pawhin lung inah an luh leh hmasak phawt a ngai a ti bawk a. Convict-te lung ina dah leh phawt chu Gujarat state remission order thiahnain a ken tel hmasa phawt a ni, a ti bawk a.
“Gujarat state-in a ngaihdamna kan hnawlsak avangin lung inah an let leh tur a ni. An zalenna humhim tur em ni? Hriatthiamna hian rule of law-ah hmun a chang lo. Rule of law chu a fim a, hleih a nei lo. Rule of law bawhchhiat a nih chuan rod of law hremnain a zui ang. Chuvangin Rule of law hi dan mumal awm lo kalhtu a ni tiin Justice Nagarathna chuan a sawi bawk.
Bench chuan May 2022 a Supreme Court in thutlukna a lo siam tawhah Gujarat chu heng mitangte chhuah tura remission policy of 1992 hman a remtih sakna chu a hnawl nghal bawk a. Khata order siam kha thudik rap bet chunga siam a ni a, May 2022 a order kha ‘bumna in a tihkhaw loh a ni’ tiin a sawi bawk a, respondents te chu ‘kut fai lovin’ Supreme Court an pan a ni, a ti bawk.