Scho pe thuai turin ngensak

ZPM Thalai chuan zirlaite scholarship tur sum awm sa tawh chu pechhuak thuai turin Mizoram sawrkar an ngen tih an sawi.
ZPM Thalai Hqrs. thuchhuak chuan 2023 September 25-a sawrkar laipuiin Mizoram zirlaite scholarship tur cheng nuai 1875 a rawn pek tawh, vawiin thlenga zirlaite kut a la thleng lo chu pawi a tih thu a sawi a. Zirlaite sum hupbeh a ni chu zirna ngaihthahna lian takah a ngai tih a sawi.
‘Zirlaiten a hun takah scholarship an lak theihna tur hian ZPM Thalai chuan hma kan la tawh a, thuneitute pawh kan lo hmu tawh thin a. Zirlaite tana ZPM Thalai chetchhuahna in vawiin thlenga awmzia a la nei lo leh, zirlaite hial an auchhuah a ngai ta hi pawi kan ti a. Zirlaiten an chanpual an chan theihna tura hma an lakna hi kan thlawp a, scholarship hi a rang thei ang bera zirlaite account-a thun turin thuneitute kan phut a ni,’ a ti.