School khar thu ah hma lak tum awm belh zel

Lumpsum aided higher secondary school zingah adhoc aided-a dah phutna kal mekah heng school awmna khua tlawmngai pawl leh, khaw thenkhatah chuan political party ten hma an lakpui tan a, sawrkar nawr chhunzawm an rel zel.
Kum 2008-a lumpsum aided-a hlankai hi school 9 – Thingsulthliah HSS, Farkawn HSS, Zobawk HSS, Zawlnuam HSS, West Phaileng HSS, E. Lungdar HSS, NE Khawdungsei HSS, Phullen HSS leh Tuisualral HSS niin, thuthar engmah hriat tur an la neih loh avang hian heng khuaa NGO leh political party chuan hma an lakpui tan a. Phullen Joint Action Committee, Thingsulthliah all NGO & all political party, NE Khawdungsei Joint Action Committee ten dinhmun tha zawka an khaw HSS hlangkai tura sawrkar nawr zel tuma thu an tihtluk tawh hnu ah, Zobawk HSS School Managing Board, Local Council, NGO leh all party chuan adhoc status-a sawrkarin a hlan hma chuan hma lak chhunzawm zel an rel.
West Phaileng All NGOs leh political party pawhin adhoc status-a hlankai an nih loh chuan hma lak zel an tum thu leh September 6 hian chief minister an hmu hnua thu lawmawm an hmuh loh chuan West Phaileng in tinah flag dum zar an rel. Mizoram Govt Lumpsum Aided Higher Secondary School hmalakna an thlawp zel tur thu an sawi bawk.