Retheite tan Congress a ding zel dawn – Lalsawta

Mirethei leh khawsak harsa tan Congress party a ding zel dawn tih he party president Lalsawta chuan a sawi.
AMC Ward No.15 corporator Zodingpuii’n a ward chhung amite tana thilpek a hlan a hmanpuinaah MPCC president chuan kuthnathawktu, nasa taka hna thawktu, anmahnia ding chhuak thei lote chu ‘tang puihna’ hmangin dinhmun duhawm leh tha zawkah an dah theih ngei a beisei tih a sawi.
“Kuthnathawktute mamawh a inang vek kher loang. Puanthui khawl mamawh an awm laiin thingzai khawl mamawh an awm ang. Huanthlai siamte tana awlsam zawka an huan leilehna leh huan samna thlengin, kuthnathawktute tana malsawmna nasa zawk thlentir turin ‘tang puihna’ hi hman tangkai kan tum a ni,” a ti.
Ramin rorelna tha leh roreltu tha a mamawh tih Lalsawta hian a sawi a. Chu chu ram insi reng, North Korea leh South Korea ah hmuh theih a ni tih Lalsawta hian a sawi bawk.
AMC Ward No.15 corporator hian Mizoram Gorkha Youth Association Lawipu hnenah plastic chair thahnem tak a pek bakah Maubawk Vengthar Welfare hnenah Maubawk Vengthar leh New Secretariat inkar lei siamna atan sumfai a pe a ni.