School naupang 280 zet ru bo

Nigerian school naupang 280 vel zet chu Nigeria hmar thlang lama Kuriga khua a\angin rukbo an nih thu official ten an sawi.
Heng zirlai naupang te hi school assembly ground a an awm khawm laiin silai kengte chuan motorcycle a luhchilhin an mankhawm niin mita hmutute chuan an sawi a.
Zirlaite hi kum riat a\anga kum 15 inkar vel niin an zirtirtute nen rukboin an awm zui nia sawi a ni.
Kidnap gang te bandits tia hriat te hian tun hnaiah mi za tel tehmeuh an ru bo tawh a, a bik takin Nigeria hmar thlang lamah inrukbo a hluar zual a ni.
Kaduna state governor Uba Sani pawhin Kuriga a thil thleng chu a dik ngei tih a finfiah tawh bawk a. Government Secondary School a\angin zirlai 180 leh local primary school a\angin zirlai 125 rukbo an ni a ti a, mahse, zirlai 25 te chu an lo let leh tawh tiin a sawi.
Mita hmutute chuan zirlai pakhat chu silai keng ten kapin Birnin Gwari hospital ah enkawl mek a ni a ti bawk a. Zirtirtu pakhat tlanchhuak thei bawkin tualchuhng mite chuan silai kengte chu dan an tumna lamah mi pakhat kahhlum a ni, a ti bawk.
Kuriga khuaa chhungkaw tin te chu rukbo tuartu an ni vek tia sawi niin armed forces te chuan naupangte chhan chhuah tumin operation an nei nghal bawk a.
Nigeria-ah bandits te chuan kumin January thla pawh khan school principal pakhat chu kaphlumin a nupui an ru bo tawh bawk a.
Tuna inrukbo thlen hma lawk hian Boko Haram islamist group te chuan north-eastern Nigeria-ah thingtuah tur fawma kal te hmeichhia leh naupang an ru bo tia sawi a ni bawk a. Mahse, Boko Haram leh tuna thil thleng hian inlaichinna a nei lo thung a, mahse, pawl pahnihte hi inthurual thei an ni tia sawi a ni.
Tuna naupangte rubotute hi Boko Haram a\anga inla hrangte niin Bokon Haram te hian kum 2014 khan Chibok khua a\angin school naupang 200 chuang an lo ru bo tawh a ni.
Nigeria a inrukbo tam lutuk dan a nih theih nan dan khauh zet kum 2022 khan siam a ni a, chu dan hmang chuan mi rubo tute chu kum 15 thleng lung in tan theihna a ni a, mahse, chu dan hmang chuan tumah hrem an la ni lo.
Kumin kumtir lam pawh khan hmeichhe unau rual te chu capital Abuja-ah rukboin an awm a, police-te chuan chhanchhuah an nih thu an sawi rualin mahse rukbote chuan intlan nana sum an pek thu an sawi thung.