Central Board of Secondary School Education (CBSE) chuan school te chu academc session April 1 tan hmaa school hawng lo tura ngenin, zirlaite chuan anxiety neiin school an hne phah thei a ti.
CBSE-in thuchhuah a siam chhan hi school thahnem tak tena academic session a bik takin class 10 leh 12 te tana an tan tawh vang a ni.
“School thenkhat ten academic session hma takah an tan tih hriat a ni a. Kum khat zirtur hun rei lote chhunga zir zawh vek hman tumna hian zirlaite harsatna thlen zawkin zirna lamah tui lovin, anxiety leh ninna an nei thei zawk” tiin CBSE Secretary Anurag Tripathi chuan a sawi a.
Board chuan acedmic session hawn hmaa school tan chuan zirlai ten extracurricular activities hrang hrang life skills, zirna hlutna, hriselna leh physcial education, workd education leh commmunity service lama hun an pek tur an pek theih loh phah a ti bawk a.
“Heng activities hrang hrang te hi academics ang thoa pawimawh a ni a. Principals leh heads of institutions tin te leh board te chuan hun tiam hmain school hawng lo tura ngen an ni,” tiin Tripathi chuan a sawi bawk.
CBSE hian class 10 leh 12 exam a buaipui mek a. Exam hi February 15 khan tan niin March 21 ah class 10 ten an zo ang a, Class 12 ten April 5 ah an zo thung ang.
School tan hma lo turin CBSE in vau lawk
Get real time updates directly on you device, subscribe now.
Next Post