Se7en leh Lee Da-hae innei dawn

Se7en leh Lee Da-hae innei dawn
South Korean singer Se7en aka Choi Dong-wook leh actress Lee Da-hae te chuan kumina inneih an tum thu an puang. Anni pahnih hi kum riat vel zet an lo inzui tawh nghe nghe a ni.
Se7en chuan social media-ah inneih an tum thu hi puangin, “Ka ngaihzawng Lee Da-hae nena innei turin thu ka thlung ta, ani chu engtik lai pawha hmangaih taka min dawm rengtu a ni a, kum riat chhung chu lawmna leh lungngaihna kan lo intawm tawh thin a ni,” a ti.
May ni 6 chu inneih ni atana an hual a nih thu a puang tel a, “Tun atang chuan chhungkhat pa ber leh pasal nihnain mawhphurhna ka la tam lehzual tawh dawn a ni,” a ti bawk.
Lee Da-hae pawhin a Instagram-ah, “Tun May thla hian nupa ni turin thutlukna kan siam ta. ‘Ka bialpa’ tih hi ngaiah ka nei viau tawh nain, tunah chuan a aia nasa lehzualin ka support tawh dawn a, ka kianga awma hlimna min thlen thintu kha tunah chuan kumkhua ka kawppui a ni tawh ang,” a ti ve bawk.
Se7en hian 2003 khan a debut album tichhuakin, K-pop khawvela hriathlawh tak a ni a, nikum November khan a album thar ber ‘Ride’ a tichhuak leh tawh bawk. Lee Da-hae pawh hi TV drama lamah a chang hnem tawh malh malh hle a, ‘Good Witch’ leh ‘IRIS 2’ -ah te pawh a changtunu a lo ni tawh a ni.