Congress president Mallikarjun Kharge chuan July 24 khan ‘Liberalisation Budget of 1991’ hlawhtlinna turu tak chu sawichhuakin tun hunah hian second-generation reforms kan mamawh leh ngawih ngawih tawh a ni tiin a sawi.
July 1991 kha India history-ah hun pawimawh niin Liberalisation Budget khatih laia Prime Minister P.V. Narasimha Rao leh Finance Minister Manmohan Singh kaihhruai te chuan pharhin econoic reforms era tharah kan chuangkai a ni, tiin Kharge chuan a sawi.
Hma lam thlirna thui tak neia hmalakna chu ram chhungah revolution siamin middle class te tichakin rethei bakberh leh hnuaichhiah maktaduai tel dinhmun sangah chawikanin an awm a ni, tiin Kharge chuan a sawi bawk a.
“Congress party chuan kha hlawhtlinna turu tak kha a chhuang a, India growth trajectory siamtu niin ram hmachhawn leh hnianghnara siam zeltu a ni” tiin Kharge chuan a sawi a.
“Vawiin hian awmze nei leh tha second generation reforms, middle class leh chuanhnuaia awm te puitu tur kan mamawh a ni” tiin khatihlai khan Manmohan Singh chuan a sawi a ni.
-- Advertisement --
Liberalisation Budget of 1991
Narasimha Rao sorkar a Union Finance Minister Dr. Manmohan Singh chuan July 24, 1991 khan a budget pharh hmasak ber a pharh a. Budget 1991 leh Industrial Policy of 1991 tangkawpte chuan industrial sector tin deuhthawah private sector investment tih a remti a. Reserve Bank of India chuan floor rate of interest tukin, commercial bank tena floor level based aia chunga interest rate an kalpui a remti bawk.
Sorkar chuan chutianga zalenna chu term-lending financial institution dangah pawh a kalpui zui zel a. Foreign Exchange Regulation Act repal in exchange control regulations a liberalised vak bawk a. Chu chuan economy hawng zauin Indians te chu foreign goods chawlut thei turin a siam ta a ni. Subsidy expenditure tihniam turin fertiliser price te chu 40% in a tisang bawk a, PDS sugar subsidised in LPG cylinder man a tisang bawk.
“Hun khawhral thei kan ni tawh lo. Sorkar emaw economy emaw a theih piah lamah a kal zel thei tawh lo. Sum leh hun puk hmanga nun a theih tawh lo. Market forces operation kalpui theihna zau zawk kan siam ngei ngei a ngai a ni” tiin Dr. Singh chuan khatihlai khan a sawi a ni.
Congress general secretary in-charge communications Jairam Ramesh pawhin kum 33 kal ta khan Finance Minister Manmohan Singh chuan a budget pharh hmasak ber hmangin India chu hunthar min chuankai pui a ni a ti bawk a.
“Kum 33 kalta vawiin ni angah hian New Industrial Policy tlangzar a ni a, chu chuan philosophy of Continuity with Change hmangin India economic chu a thlak danglam a ni. July 24th 1991 chungchang hi To the Brink and Back: India’s 1991 Story tih lehkhabuah ka ziak a ni” tiin Ramesh chuan a sawi.
July 23 khan Union Finance Minister Nirmala Sitharaman in union Budget 2024-25 a pharh zawh chiahah senior Congress leader P. Chidambaram chuan Sitharaman chu Congress party te 2024 Lok Sabha election manifesto copy-ah a puh a. Sitharaman-in thusawina a neih zawh veleh Chidambaram chuan sorkar chu sawiselin mahse Minister in Congress 2024 manifesto a chhiar chu lawmawm a tih thu a sawi a ni.
Opposition te chuan Union Budget chu BJP thawhpui pahnih Janata Dal (United) leh Telegu Desam Party tihlawmna atana ruahman a ni tiin an sawisel a, inflation ang leh unemployment sang lutuk avanga harsatna sutkian dan tur an ruahman lo an ti bawk a. Non-National Democratic Alliance (NDA) state te thlauthlaah an puh bawk.
DMK leh Congress te chuan ‘discriminatory’ budget tihsakin, Tamil Nadu Chief Minister M.K. Stalin leh Congress Chief Ministers pathum, Karnataka’s Siddaramaiah, Telangana’s Revanth Reddy leh Himachal Pradesh’s Sukhvinder Singh Sukhu te chuan Inrinni a NITI Aayog Governing Council meeting-ah an tel dawn loh thu an sawi nghal bawk.