Sector tinah hmasawnna hmuh theihin a awm : Modi

Sector tinah hmasawnna hmuh theihin a awm : Modi
Prime minister Narendra Modi chuan nimin khan Rajasthan summit hman puiin, thu a sawi a. Sector tinah India hmasawnna chu hmuh theiha a awm thu a sawi.
Modi chuan India in ‘Reform, Perform leh Transform’ hmangin hma a la nasa hle nia sawiin, hei hi hmuh theih khawpin a lang chhuak tawh a ti a, khawvel mithiam leh investor hrang hrangte chuan India lam an hawi thup tawh niin a sawi bawk.
Khawvelin harsatna hrang hrang a tawh karah pawh India chuan hmasawnna ke pen a tinghet zel a, economy chungchangah pawh khawvel chung en a ni chho mek nia sawiin, ruhrel lian tak lo sawhngheh zel chu India thil tum a nih thu a sawi a ni.
Thiamna lamah pawh thiltihtheihna lian tak neitu an nih avangin khawvel hnena ‘democracy, demography leh data’ chu lantirin a awm mek a, hei hi India thangchhuahna tur a ni mek, a ti bawk.
Hnam rohlu an neih hman tangkai kawngah Rajasthan chuan hlawkna a hmu chho zual zel dawn nia sawiin, rintlakin an sanna pawh a lang mek zel tiin a fak bawk a ni.