MNF Thalai president-in SEDP dawng tur thlan chungchangah ruling leh opposition inthliarna awm loa nia a sawi thu ZPM Thalai chuan sawiin, inthliarna awm ngei tih an sawi.
-- Advertisement --
ZPM Thalai Hqrs. thuchhuak chuan, MNF Thalai president Dr L Thangmawia’n ruling leh opposition bialah SEDP dawngtu inzat theuha ruahman a ni, tia a sawi chu mipui zah lohna leh mipui hrauikawi thei tawngkam nia an hria thu sawiin, ‘SEDP ah hian ruling leh opposition inthliarna nasa tak awmin, Local/Village Level SEDP Committee-ah MNF kaihhruai LC/VC ah chuan MNF LC/VC te hruaitu an nih mai laiin, ZPM kaihhruai LC/VC ah chuan ZPM LC/VC te thlimin MNF party chairman-a ruat an ni, he thil avang pawh hian MNF Thalai president thusawi hi awih harsa kan ti hle,’ a ti.
2018 inthlanpui dawnah SEDP cheng nuai 3 sem chu MNF party hrauitute intiamna a nih laiin, vawiin thlenga chhungkaw harsa zawkte hnena cheng nuai 3 sem a la ni lo chungin, an term tawp dawn lamah pawh hetiang thu ho mai mai MNF Thalai president-in a la auchhuahpui chu zah tawrh chak thlakah an ngai tih ZPM Thalai hian sawiin, ‘Chhungtin hnenah an lo intiam tawh angin kumin inthlan hma ngeiin nuai 3 aia tlem lo, nuai thum chunglam sem turin MNF sawrkar kan phut a ni,’ a ti.