Selena Gomez-i’n Benny Blanco zungbun pek fan tan $12-in hralh

Selena Gomez-i’n Benny Blanco zungbun pek fan tan $12-in hralh
Selena Gomez chuan a pasal hual Benny Blanco nena an album intawm tlangzarh tur “I Said I Love You First’ tihlar nan “12 Days of Relly Rare Stuff” campaign a kalpui a, hetah hian a fans tana thil hlu tak tak chi 12 a chhawp chhuak a, chung zingah chuan Benny Blanco-a’n an inngaihzawn hlima a zungbun pek pawh a dah tel.
Selena hian Jacquie Aiche diamond ‘B’ ring chu a ni khatna atan chhawp chhuakin, Benny nena an inlaichinna bul tanna entirna pakhat a nih avangin fans tan a hlu hle a. A Instagram-ah, “He zungbun ngei hi December 2023-a ka Instagram story-a ka post kha a ni,” a ti.
Jacquie Aice zungbun hian .44 diamond a chei niin, dollar 3,250 man vel a ni a, Selena ian a official merch store-ah dollar 12-a lei theih turin a dah chhuak a, fan vannei pakhatin a chang thei dawn a, hei bakah hian a ni hnihnaah a hming a ziah hnan Coach Selena Grace Bag pawh a thlawna fan vanneiin an dawn theih turin a chhawp chhuak leh tawh bawk. Fan vannei hi Thawhlehni-ah an puang dawn a ni.