Daily Newspaper

Semi final-ah Zverev

12

Flushing Meadows-ah US Open 2020 khelh chhunzawm zel niin a hmawrbawk a hnai tan a, mipa lamah Alexander Zverev leh Pablo Carreno Busta ten semi final an lut a. Anni pahnih hian final luh an inchuh zui ang.

Mipa lamah champion tura rinkai zinga mi German fifth seed Alexander Zverev chuan Borna Coric hmachhawn in set khatna a hloh hmasa zet a, huaisen taka a khingpui bei letin inkhelh hmuhnawm leh inhnehtawk takah hnehna changin semi final a inhlangkai.

Zverev hian bul a tan chhe hle a, set khatnaah game khat chiah la in, a khingpui hi a khan lo han han hle. Set hnihnaah an inhnehtawk hle a, tie-break khelh a ngai ta thung. Tie-break-ah hian Zverev a chungnung a, set a la let, set thumnaah pawh tie-break khelh a ngai leh a, Zverev bawk chungnungin set hnih a la zawn a, set linaah tha zawka inlan in awlsam zawkin set a la ta thung a, 1-6 7-6 (7-5) 7-6 (7-1) 6-3 a hnehna changin semi final a inhlangkai.

Inkhel dangah Spanish 20th seed Pablo Carreno Busta a vannei chhunzawm zel a, inkhel hmuhnawm leh inhnehtawk takah dingchang zawkah tang hramin semi final a inhlangkai ve bawk. Correno Busta hian last 16-ah champion tura rinkai ber Novak Djokovic a hmachhawn a, set khat pawh an khelh zawh hmain Djkovic khelhzui phalsak a ni lova, Spanish hian awlsam taka hnehna changin quarter final a lut. Quarter final-ah inkhel hautak tak a hmachhawn a, Canadian 12th seed Denis Shapovalov a paltlang thei hram.

Correno Busta hian set khatna a hloh hmasa a, tie-break a chakin set hnih a la zawn thung. Set linaah erawh a che chhe tak zet a, game khatmah a la thei lo. Set linaah che chhe viau mahse set nganaah a che tha ve leh thung a, 3-6 7-6 (7-5) 7-6 (7-4) 0-6 6-3 in harsa takin hnehna a chang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy