Semi-final-ah Zverev leh Ruud

Semi-final-ah Zverev
Nilai zana French Open quarter-final khelhah World No. 2 hlui Alex-ander Zverev chuan Tomas Martin Etcheverry hnehin semi-final a lut a. Semi-final-ah Casper Ruud a hmachhawn zui leh ang.
Hliam vanga thla sarih chuang zet inlan thei lo Alexander Zverev hi French Open-ah Tha takin a kir a, semi-final a lut leh der tawh. Nilai zana a hmachhawn Tomas Martin Etcheverry lakah Tha takin bul a Tan a, set khatnaah break a neih chhawr Tangkaiin set a la. Set la hmasa zawkah Tang mah se set hnihnaah game thum chiah lain set a hloh ve thung. Set a hloh hnuin Tha zetin a kir a, a hawi kir tawh lo. Set thumnaah game thum chiah hlohin set a la a, set nganaah break a neih chhawr Tangkaiin set ala zui leh a, 6-4 3-6 6-3 6-4 a hnehna changin semi-final a lut ta a ni.
German Zverev hian French Open 2023 khan semi-final a thleng a, Nadal nen an inkhelh Tumin hliam na tak a tuar a, wheelchair hmangin khelmual a chhuahsan a ngai hial. Hemi Tuma a hliam vang hian thla sarih chhung ngawt a inkhel thei lova, hliam na tak a tawrhna French Open-ah ngei Tha takin a kir a, semi-final a lut nawn leh ta a ni. Semi-final-ah hian kum hmasa lamah finalist Casper Ruud a hma-chhawn zui leh ang.
Zverev hmaa fiahna hautak hmachhawn tur Ruud hian quarter-final-ah rawlthar beiseiawm ber pawl Holger Rune a hmachhawn a, harsatna lian tawk lova hnehna changin semi-final a lut. Ruud hian Rune lakah Tha zetin bul a Tan a, set khatnaah game khat chiah a hloh a, set hnihnaah pawh game hnih chiah hlohin set a la nawn leh. Set hnih a lak zawn hnuin set thumna hloh mah se set linaah game thum chiah hlohin set a la nawn leh a, 6-1 6-2 3-6 6-3 a chakin semi-final a lut. Ruud hi Grand Slam-ah final vawi hnih lut tawhin tlawm zawkah a la Tang ve ve a, French Open 2023 ah hian a vawi khat nan champion ngei tumin hma lam a pan.
Semi-final a inhmachhawn tur Zverev leh Ruud te hi vawi thum an inhmachhawn tawh a, Zverev hian vawi hnih hnehna a chang tawh a, Ruud hi vawi khat a chak ve tawh bawk.